apni tanhai mere nam pe aabaad kare kaun hoga jo mujhe us ki tarah yaad kare dil ajab shahr ki jis par bhi khula dar is ka wo musafir ise har samt se barbaad kare apne qatil ki zehanat se pareshan hun main roz ek maut nae tarz ki ijad kare itna hairan ho meri be-talabi ke aage wa qafas mein koi dar khud mera sayyaad kare salb-e-binai ke ahkaam mile hain jo kabhi raushni chhune ki khwahish koi shab-zad kare soch rakhna bhi jaraem mein hai shamil ab to wahi masum hai har baat pe jo sad kare jab lahu bol pade us ke gawahon ke khilaf qazi-e-shahr kuchh is bab mein irshad kare us ki mutthi mein bahut roz raha mera wajud mere sahir se kaho ab mujhe aazad kare