ayan hum apne khayalat kar ke dekhte hain
agar wo chup hain to hum baat kar ke dekhte hain

kabhi to un ki khamoshi ka raaz ifsha ho
nazar se aaj sawalat kar ke dekhte hain

kai dinon se wo milte nahin hain hum se magar
qadam badha ke mulaqat kar ke dekhte hain

nasib apna kabhi to chamak bhi sakta hai
kahin pe din to kahin raat kar ke dekhte hain

yahan jo dhup hai nafrat ki har taraf ‘taskin'
chalo ki pyar ki barsat kar ke dekhte hain