بچا اب کیا ہمارا ہے

بچا اب کیا ہمارا ہے
خسارہ ہی خسارہ ہے
بھنور میں پھنس گیا ہوں میں
یہاں کوئی کنارہ ہے


بلاوا اس نے بھیجا ہے
یہ سب کیسا اشارہ ہے
وہ آئے ہیں ہمیں ملنے
بچھڑنا پھر دوبارہ ہے


ارے آؤ میاں بیٹھو
لو خنجر یہ تمہارا ہے
جگر کا خون دے دے کر
ترا ہر قرض اتارا ہے


اگر آئے تو آئے موت
یہی بس ایک چارہ ہے
خوشی ممکن نہیں تھی پر
ہمیں یہ غم گوارا ہے


ہماری ہر غزل کا ہی
محبت استعارہ ہے
سر صحرا مسافر ہوں
مری منزل وہ تارا ہے