badan mein jaise lahu taziyana ho gaya hai

badan mein jaise lahu taziyana ho gaya hai
use gale se lagae zamana ho gaya hai

chamak raha hai ufuq tak ghubar-e-tira-shbi
koi charagh safar par rawana ho gaya hai

hamein to khair bikharna hi tha kabhi na kabhi
hawa-e-taza ka jhonka bahana ho gaya hai

gharaz ki puchhte kya ho maal-e-sokhtagan
tamam jalna jalana fasana ho gaya hai

faza-e-shauq mein us ki bisat hi kya thi
parind apne paron ka nishana ho gaya hai

kisi ne dekhe hain patjhad mein phul khilte hue
dil apni khush-nazari mein diwana ho gaya hai


This is a great shayari on word parinda. True lovers of urdu shayari jalna will love this. For some people shayari is the most enjoyable thing in life and they absolutely adore gand jalana shayari. Please share if you liked this!!!