باغ اردو کی مہک راز خدا ہوتی ہے

باغ اردو کی مہک راز خدا ہوتی ہے
شہر اردو میں ہوا باد صبا ہوتی ہے
اچھا جتنا بھی ہو لہجہ وہ صدا ہوتی ہے
بات کر لے جو سخن گر تو جدا ہوتی ہے


حرف ملتے ہیں جو دل سے تو ندا آتی ہے
معنی لفظوں سے ملیں تو وہ ردا ہوتی ہے
شعر پڑھنے پہ یوںہی داد نہیں ملتی انہیں
اردو تو شیریں دہن پر ہی فدا ہوتی ہے


سننے والوں کو کسی اور نگر لے جائے
اردو والوں کی زباں رب کی عطا ہوتی ہے
لہجہ مل جائے جو اردو سے تو وہ ناز کرے
اردو لہجے سے ملے تو وہ ادا ہوتی ہے


خوشبو اردو کی نظر آتی ہے دل والوں میں
کھنک اردو کی تو بولی میں سدا ہوتی ہے