bas ek bar kah de wo achchha qubul hai

bas ek bar kah de wo achchha qubul hai
phir is ke ba'd mujh ko to marna qubul hai
aise to mujh ko aag se lagta bahut hai dar
us ke badan ko chum ke jalna qubul hai


kar lo khuda ka shukriya tum ko mila hai wo
mujh ko to us ke nam ka phanda qubul hai
ruthe magar wo kah bhi de rutha hai mujh se kyon
phir is ke ba'd us ka jhagadna qubul hai


aisi nahin hai shart ki mil jae pura wo
jitna bhi mil wo jaega utna qubul hai
thukra diya hai hans ke han dariya ko main ne to
us ke labon se mujh ko to qatra qubul hai


'amir' tumhaare waste rota hai kaun ab
kis ko tumhaare jism ka kandha qubul hai