بس ایک بار کہہ دے وہ اچھا قبول ہے

بس ایک بار کہہ دے وہ اچھا قبول ہے
پھر اس کے بعد مجھ کو تو مرنا قبول ہے
ایسے تو مجھ کو آگ سے لگتا بہت ہے ڈر
اس کے بدن کو چوم کے جلنا قبول ہے


کر لو خدا کا شکریہ تم کو ملا ہے وہ
مجھ کو تو اس کے نام کا پھندا قبول ہے
روٹھے مگر وہ کہہ بھی دے روٹھا ہے مجھ سے کیوں
پھر اس کے بعد اس کا جھگڑنا قبول ہے


ایسی نہیں ہے شرط کی مل جائے پورا وہ
جتنا بھی مل وہ جائے گا اتنا قبول ہے
ٹھکرا دیا ہے ہنس کے ہاں دریا کو میں نے تو
اس کے لبوں سے مجھ کو تو قطرہ قبول ہے


عامرؔ تمہارے واسطے روتا ہے کون اب
کس کو تمہارے جسم کا کندھا قبول ہے