be-khabar kuchh na jite ji samjhe
jaan se guzri to zindagi samjhe

ab bahut der ho chuki chhodo
marte marte bhi kya koi samjhe

ek zara aaina dikhaya tha
aap jis ko khari khari samjhe

dhun ke pakke hain kar hi jaenge
jo bhi is dil ne than li samjhen

hum the khauf-e-fasad-e-khalq se chup
log ehsas-e-bartari samjhe

o mera haal puchhne wale
baat ab wo nahin rahi samjhe

jo samajhne ka dam bhare 'sima'
kya hi achchha ho waqai samjhe