بھلا اب اور کہاں زندگی نظر آئے

بھلا اب اور کہاں زندگی نظر آئے
تمہارے بعد ہمیں کیا کوئی نظر آئے
تلاش جس کی ہے بس وہ نظر نہیں آتا
یہ اور بات نظر کو وہی نظر آئے


یہ ہوشیار تجھے ہوشیار سمجھیں گے
انہیں کہاں تری دیوانگی نظر آئے
گزر تو آئے ہیں تیری گلی سے ہم لیکن
جہاں بھی جائیں تری ہی گلی نظر آئے


یہ رہگزر جو مرے ساتھ ساتھ چلتی تھی
تری گلی میں ٹھہرتی ہوئی نظر آئے
نظر گئی تھی ہماری جب آئنے کی طرف
اسے لگا کہ ہمیں بھی ہمی نظر آئے


وہ تو نہیں تھا تو پھر کون ساتھ تھا میرے
کوئی تو ہوگا مگر کب کوئی نظر آئے
تجھے دکھائی نہیں دے رہی مگر مومنؔ
کلام کر کہ تجھے خامشی نظر آئے