bhale hi der se tum se kiya izhaar shahzadi

bhale hi der se tum se kiya izhaar shahzadi
magar bachpan se karte hain tumhin se pyar shahzadi
kahani mein kahani-kar ne sau rang dale hain
magar is mein hai sab se qimti kirdar shahzadi


nahin aata tumhaara ab koi message ki kaise ho
kahan itni busy rahne lagi ho yar shahzadi
meri taswir ko tum chumti ho be-khayali mein
nazar aane lage hain 'ishq ke aasar shahzadi


teri sanson ki lai mein jab talak shamil meri lai hai
tumhaara kaun ho sakta hai da’wedar shahzadi