biphar uTTha zaban se jun hi nikli baat bose ki

biphar uttha zaban se jun hi nikli baat bose ki
idhar qillat mohabbat ki udhar ifraat bose ki
main jis ki saltanat mein kasa-bardari pe raazi tha
usi shahzadi ne ji bhar ke di khairaat bose ki


mu'afi ka tasawwur hi nahin us ki shari'at mein
kal us ne intiqaman mujh pe ki barsat bose ki
zaban ka garm bosa sair jannat ki kara laya
zamin walo tumhein ma'lum kya auqat bose ki


labon ke donon misre lab se mauzun kar ke dekhe hain
samajh mein yun nahin aai hain ma’ruzat bose ki
to ai husn-e-azal tujh se ijazat chahta hun main
ijazat chahte hain ab mere jazbaat bose ki


labon par aakhiri ek mohr lag jae to so jaun
wagarna khatm hogi hi nahin ye baat bose ki