بجھتی آنکھوں میں حسیں خواب کہاں آتے ہیں

بجھتی آنکھوں میں حسیں خواب کہاں آتے ہیں
اب سر بام وہ مہتاب کہاں آتے ہیں
بزم اغیار میں بیٹھا ہوں تماشا بن کر
دل دکھانے مرے احباب کہاں آتے ہیں


ہاتھ رکھ لیتا ہوں دل پر میں تڑپ کر دیکھو
مجھ کو بھی ہجر کے آداب کہاں آتے ہیں
ہم سے دیوانے میسر ہی نہیں دنیا کو
سیپ میں گوہر نایاب کہاں آتے ہیں


اس محبت کے سفر میں ہے اذیت حمزہؔ
دشت کے بیچ میں تالاب کہاں آتے ہیں