بزدل ہیں تو اس رستے سے جاتے ہی نہیں ہیں

بزدل ہیں تو اس رستے سے جاتے ہی نہیں ہیں
ہم آپ کو تو کہہ کے بلاتے ہی نہیں ہیں
کھینچو گے جو دھاگا تو ادھڑ جائے گا سارا
ہم لوگ تبھی حال بتاتے ہی نہیں ہیں


زندہ نظر آنے کی نمائش پہ نہ جاؤ
ہم مرتے ہیں ہر وقت دکھاتے ہی نہیں ہیں
اس شہر کے بچوں سے کہیں کچھ تو کہیں کیا
الفاظ انہیں کوئی بھی آتے ہی نہیں ہیں


اس گھر کی صفائی میں بہت کام ہے فانیؔ
اور آپ ہیں جو ہاتھ بٹاتے ہی نہیں ہیں