dard sine mein uThe bhi to dabae rakhna

dard sine mein uthe bhi to dabae rakhna
gham-e-haalat se har lamha nibhae rakhna
apne ehsas ko aandhi se bachae rakhna
is andhere mein koi shama jalae rakhna


jaane kab kaun kahan tum se sahaara mange
dard ki dhup mein kuchh phul khilae rakhna
rah-e-ulfat mein gham-e-dil ki shikayat be-sud
farz hai chaak gareban ka chhupae rakhna


dil mein ek dard utha baat labon par aai
kitna mushkil hai koi baat bhulae rakhna
hum guzar jaenge udte hue lamhon ki tarah
rah mein shauq se kanton ko bichhae rakhna


dhund tarik andheron mein ujale 'nashad'
kab talak dard ki duniya se banae rakhna