dil ko jis chiz ki hasrat hai hamin jaante hain

dil ko jis chiz ki hasrat hai hamin jaante hain
wo koi chand si surat hai hamin jaante hain
hamein kis shakhs ki aadat hai tumhi jaante ho
tumhein kis shakhs ki aadat hai hamin jaante hain


tera hansna to qayamat hai hamein hai malum
tera rona bhi musibat hai hamin jaante hain
yun to dawa hai mohabbat ka tumhein hum se magar
tumhein jis jis se mohabbat hai hamin jaante hain


yun to aasan sa rasta hai tumhaare ghar ka
tere milne mein jo mehnat hai hamin jaante hain
gham-e-dauran se to begana hue hain 'danish'
tere gham ki jo inayat hai hamin jaante hain