dil liya aur bewafai ki
By mustafa-husain-nayyarJanuary 21, 2022
dil liya aur bewafai ki
dad deta hun dilrubai ki
zindagani thi dur manzil se
maut ne aa ke rahnumai ki
qafile jis ne kar diye hain tabah
us se ummid-e-rahnumai ki
wasl mein lutf hai ba-qadr-e-firaq
kash badh jae shab judai ki
manzil-e-ishq mein misal-e-khizr
dil ne khud meri rahnumai ki
tujh se waqif hai ek jahan 'nayyar'
kya zarurat hai khud-numai ki
dad deta hun dilrubai ki
zindagani thi dur manzil se
maut ne aa ke rahnumai ki
qafile jis ne kar diye hain tabah
us se ummid-e-rahnumai ki
wasl mein lutf hai ba-qadr-e-firaq
kash badh jae shab judai ki
manzil-e-ishq mein misal-e-khizr
dil ne khud meri rahnumai ki
tujh se waqif hai ek jahan 'nayyar'
kya zarurat hai khud-numai ki
41210 viewsghazal • English