dil mein rumuz-e-ishq ka daftar liye hue kuze mein phir raha hun samundar liye hue aise hi bal hai mera muqaddar liye hue jaise ki un ki zulf-e-moambar liye hue kya khak aaine mein nazar aae ru-e-dost dil hai khudi ki gard-e-mukaddar liye hue sadqe tere qaza ki subuk-dosh kar diya bar-e-gunah tha bhaari main sar par liye hue hirs-o-hawa ke phandon mein har dam phanse hue kitne wabaal-e-jaan hain tawangar liye hue khail-o-hasham ko dekh ke dozakh bhi kanp utha pahuncha jo main gunahon ka lashkar liye hue khatka na jaan ka hai na kuchh fikr mal ki sari tasalliyan hain gadagar liye hue aarasta hai durr-e-maani se sar-basar 'jauhar' ghazal ye tabish-e-jauhar liye hue