dil mein sau aarman rakhta hun
pyare aakhir main jaan rakhta hun

wah-ri aql tujh se dushman se
dosti ka guman rakhta hun

sabr chhut dil sab aur baaton main
qabil-e-imtihan rakhta hun

aah tere bhi dhyan mein kuchh hai
kis qadar tera dhyan rakhta hun

tujh se har bar mil ke main be-sabr
na malun phir ye than rakhta hun

sirf main to 'asar' bisan-e-jaras
aah-o-nala bayan rakhta hun