dil tha dulha, duniya dulhan
pahli hi ratiya ho gai an-ban

main murlidhar, main man-mohan
tu hai radha, tu hai padman

main hun sadhu, tu hai aasan
main hun sapera, tu hai nagan

man hai jhelam tan sundarwan
tu kashmiran, tu bangalan

mera tera kaisa bandhan
main tuta dil, tu hai dhadkan

tujh se chipkun tujh se liptun
main hun nag aur tu hai chandan

chanda jaisa mukhda tera
nadiya nadiya tera joban

tujh ko dekhun, khud ko dekhun
tu hai jaise koi darpan