دنیاداری تو کیا آتی دامن سینا سیکھ لیا

دنیاداری تو کیا آتی دامن سینا سیکھ لیا
مرنے کے تھے لاکھ بہانے پھر بھی جینا سیکھ لیا
ایسے درویشوں سے بھی نبھائی اپنی ہنسی بھی ساتھ اڑائی
پلکوں کے سایہ میں چھپ کر آنسو پینا سیکھ لیا


دھرتی کتنے ناچ نچائے تب اک کوڑی جیب میں آئے
ایڑی سے چوٹی تک پہنچے کیسے پسینہ سیکھ لیا
اپنے آپ پہ کیوں اترائیں اپنے آپ کو کچھ سمجھائیں
کبھی کبھی ہے جھوٹ بھی کہتا یہ آئینہ سیکھ لیا