ek barhaman ne kaha hai mere haal-e-zar par

ek barhaman ne kaha hai mere haal-e-zar par
ho ke momin mar raha hai kyun but-e-pindar par
dekh kar barish ki bunden sochta rahta hun main
ro raha hai aasman bhi aaj hijr-e-yar par


jaane kitne aashiqon ki jaan ka dushman hai ye
jo hasin dimpal pada hai aap ke rukhsar par
hai mariz-e-ishq to mahbub ke pahlu mein ja
is maraz ki to dawa milti nahin attar par


yun laga us gul-badan ko aaj chhu lene ke baad
ungliyan rakh di hon main ne jaise nok-e-khar par
sher kab main ne kahe hain khun thuka hai 'bilal'
dad to banti hai sahab mere in ashaar par