ایک دن رات کے گریے کا لطیفہ ہونا

ایک دن رات کے گریے کا لطیفہ ہونا
یعنی جادو ہے کوئی ہجر پرانا ہونا
آج بس نفس کی سن آج تو انسان ہی رہ
یار چبھتا ہے ترا روز فرشتہ ہونا


چار چھ روز تو لگنے ہیں مگر چاند مرے
مجھ سے اب اور نہیں ہوگا تمہارا ہونا
خود سے ملنے کی مجھے پہلی دفعہ فرصت تھی
مجھ پہ احسان رہا میرا اکیلا ہونا


خود کشی ذات پہ لازم سی ہوئی جاتی ہے
پر کسی شخص کے ہونے کا دلاسہ ہونا
ایک دو وقفے اباسی کے ضرور آتے ہیں
غیر ممکن ہے کوئی نثر مرصع ہونا


میں نے چاہا تھا مدینہ میں تیرے ہاتھ میں ہاتھ
یعنی اقسام محبت کا اکٹھا ہونا