ek sitamgar ne yun bekas pe sitam toda hai
jaise munsif ne saza likh ke qalam toda hai

todne wale khuda tujh ko salamat rakkhe
tu ne ye dil nahin toda hai haram toda hai

hath khali jo gaya hai mere darwaze se
us sawali ne mere ghar ka bharam toda hai

kis ke aane ka khuda jaane taka hai rasta
marne wale ne badi der se dam toda hai

tut kar ek sitare ne falak se 'shahzar'
mere andar ka shahi zoam-e-aham toda hai