faqat KHudi se jise pyar hai agar hai bhi

faqat khudi se jise pyar hai agar hai bhi
hamein usi se sarokar hai agar hai bhi
wo be-misal jo takmil kar sake meri
jahan khwab ke us par hai agar hai bhi


bhare jahan mein sitaron mein sab zamanon mein
bas ek tu mera mear hai agar hai bhi
ab aur beach mein hail nahin hai koi hijab
bas ek parda-e-pindar hai agar hai bhi


hamare sher se mat munh phira ki apne pas
yahi saliqa-e-izhaar hai agar hai bhi
janab-e-shah taghaful to kya dil-e-bekas
isi saza ka saza-war hai agar hai bhi