گاہے گاہے میں تجھے یاد بھی کر سکتا ہوں

گاہے گاہے میں تجھے یاد بھی کر سکتا ہوں
ایک دل ہے اسے برباد بھی کر سکتا ہوں
عالم خواب میں ہے تجھ سے ملاقات کی شام
تو نہیں تو تجھے ایجاد بھی کر سکتا ہوں


ہے بہت سخت تری زلف کی زنجیر مگر
ایک دن خود کو میں آزاد بھی کر سکتا ہوں
خامشی توڑ رہا ہوں ابھی اندر اندر
اپنے باہر اسے فولاد بھی کر سکتا ہوں


ایک دن دیکھنا صحراؤں سے آتے جاتے
میں ترے شہر کو ہم زاد بھی کر سکتا ہوں