gham-o-alam ke din kya hamesha rahne wale hain

gham-o-alam ke din kya hamesha rahne wale hain
zara ye raat dhal jae ujale hi ujale hain
lutati hain bahaaren jam gulshan mein masarrat ke
meri taqdir mein lekin sharab-e-gham ke pyale hain


na jaane kha gai kis ki nazar bazm-e-masarrat ko
na mahfil hai na saqi hai na baada hai na pyale hain
bahut dekhe hain hum ne husn walon ki kami kya hai
tere andaz lekin sari duniya se nirale hain


nigahen kya milin un se sabhi kuchh kho diya 'sabir'
nigah-e-sahr-agin ke karishme hi nirale hain