gham se fursat nahin ki tujh se kahen
tujh ko raghbat nahin ki tujh se kahen

hijr-patthar gada hai sine mein
par wo shiddat nahin ki tujh se kahen

aarzu kasmasae phirti hai
koi surat nahin ki tujh se kahen

khamushi ki zaban samajh lena
apni aadat nahin ki tujh se kahen

dard had se siwa to hai lekin
aisi haalat nahin ki tujh se kahen

dil ko ab bhi tera junun hai 'asad'
aisi wahshat nahin ki tujh se kahen