گھر میں ایک دریچہ کم ہے

گھر میں ایک دریچہ کم ہے
اور اجالا کتنا کم ہے
صرف تمہارا چہرہ کم ہے
جانے گھر میں کیا کیا کم ہے


خاص نہیں ہے اپنا جینا
اس جینے میں مرنا کم ہے
اب یہ کہانی لمبی چلے گی
اس میں ہمارا قصہ کم ہے


سارے پرندے چپ بیٹھے ہیں
دشت میں اک دیوانہ کم ہے
اس نے کہا اب جاؤ یہاں سے
میں نے کہا نذرانہ کم ہے


اس کی کتاب دل تو حسیں ہے
لیکن پہلا پنا کم ہے
سوتے ہوئے صیاد یہ بولا
پنجرے میں اک چڑیا کم ہے