goya hai tab-e-ishq mein bimar ki talab

goya hai tab-e-ishq mein bimar ki talab
aa ja to ab samajh ke dil-e-zar ki talab
phir chashm wa kare hai rukh-e-yar ki talab
ki did ko hai phir kisi didar ki talab


aur lams ko hai phir usi rukhsar ki talab
abru kare hai phir se nigah-e-yar ki talab
phir rakhsh ko khayal ke raftar ki talab
baada kare hai phir usi sarshaar ki talab


phir nur ko hui hai shab-e-tar ki talab
phir aabla kare hai sar-e-khar ki talab
phir kaam ko wahi hai rah-e-dar ki talab
phir shauq kar raha hai kharidar ki talab