ہے وصل اگر اس میں تو فرقت بھی بہت ہے

ہے وصل اگر اس میں تو فرقت بھی بہت ہے
یہ عشق ہے اور اس میں اذیت بھی بہت ہے
آسان نہیں راہ محبت کی دوانے
غم بھی ہے بہت اس میں مسرت بھی بہت ہے


آہستہ سے کر دیتا ہے وہ چاک گریباں
اس ماہ جبیں رخ کی کرامات بھی بہت ہے
ویسے تو نہیں دل میں کوئی اس کے علاوہ
ایسے تو بہت بھیڑ ہے وسعت بھی بہت ہے


آ آ کے مرے کان میں لیتیں ہیں ترا نام
سرگوش ہواؤں میں شرارت بھی بہت ہے
اک وقت تھا محروم تھا ہر چیز سے انعامؔ
اب نام ہے رتبہ بھی ہے شہرت بھی بہت ہے