hamara zikr kisi ki zaban tak aa gaya tha
wo nafa chhod ke aakhir ziyan tak aa gaya tha

dua ke sath mein ashkon ke haar bhejta tha
ki sabr tut ke aah-o-fughan tak aa gaya tha

hamare dil se pari-zad pitte nikle
ki wo jo asl makin tha makan tak aa gaya tha

hamare pas suhulat thi sher kahne ki
so zakhm sukh ke jaldi nishan tak aa gaya tha

ab is se badh kar use aur kya khasara ho
yaqin tut ke wapas guman tak aa gaya tha