hamare dhyan mein har lamha muskuraata hai

hamare dhyan mein har lamha muskuraata hai
wo ek shakhs hamein ab bhi yaad aata hai
jo haarta hai mohabbat mein jit jata hai
phir is ke ba'd faqat qahqahe lagata hai


koi na hoga mere ba'd mere jaisa yahan
ye baat mujh ko mera raaz-dan batata hai
ghalat durust ke bare mein jaanta nahin kuchh
main kya karun ki mujhe 'ishq ras aata hai


tere wajud se mit jati hai meri wahshat
tera yaqin mujhe munfarid banata hai
jo da'we karte hain sachchai ke yahan 'mas'ud'
phir un ka chehra hamein sare sach batata hai