hamare dil se wafa ka yaqin chhuT gaya
By jameel-ahmad-jameelJuly 1, 2021
hamare dil se wafa ka yaqin chhut gaya
makan ki qaid se aakhir makin chhut gaya
main apne sher usi ko sunane aaya tha
jo ek shakhs pas-e-samain chhut gaya
subut-e-qatl mita kar wo mutmain tha bahut
lahu ka dagh sar-e-astin chhut gaya
usi se hai shajar-e-saya-dar ki ummid
wo ek dana jo zer-e-zamin chhut gaya
tumhaare baad mere dil ki kya haqiqat hai
ye wo anguthi hai jis ka nagin chhut gaya
'jamil' mere liye waqt ke moarrikh ne
likha tha shah magar harf-e-shin chhut gaya
makan ki qaid se aakhir makin chhut gaya
main apne sher usi ko sunane aaya tha
jo ek shakhs pas-e-samain chhut gaya
subut-e-qatl mita kar wo mutmain tha bahut
lahu ka dagh sar-e-astin chhut gaya
usi se hai shajar-e-saya-dar ki ummid
wo ek dana jo zer-e-zamin chhut gaya
tumhaare baad mere dil ki kya haqiqat hai
ye wo anguthi hai jis ka nagin chhut gaya
'jamil' mere liye waqt ke moarrikh ne
likha tha shah magar harf-e-shin chhut gaya
50396 viewsghazal • English