hamari chhat pe bhi suraj ka intizam hua

hamari chhat pe bhi suraj ka intizam hua
ye aur baat ki ye kaam waqt-e-sham hua
uthe raqib to phir mujh se baithne ko kaha
tumhaari bazm mein yun mera ehtiram hua


safar mein tum se kinara kiya tumhaare liye
magar bichhadne ka afsos gam gam hua
ki jaise dant de koi yatim bachche ko
hamari hasrat-e-dil ka yun ikhtitam hua


hamare dil ko dikhai gai nai duniya
kuchh is tarah ye parinda bhi zer-e-dam hua
bichhad ke tujh se hunar sha'iri ka sikh liya
yun ahl-e-dard ke jine ka intizam hua