ہمیں یہ عشق حجابی بنا کے رکھنا ہے

ہمیں یہ عشق حجابی بنا کے رکھنا ہے
بدن کی بھوک سے دوری بنا کے رکھنا ہے
ذرا سی بات تھی اور اس نے توڑ دی تختی
وہ کہہ رہا ہے اداسی بنا کے رکھنا ہے


نہ جانے کون سے لمحے میں تھام لے ہم کو
ہمیں تو خود کو ہتھیلی بنا کے رکھنا ہے
حقوق سب کے نبھانے ہیں ہم کو دنیا میں
ہمیں تو ماں کو بھی رانی بنا کے رکھنا ہے


ہماری جنگ ہے اپنوں سے رو نہیں سکتے
ہمیں ان آنکھوں کو ضدی بنا کے رکھنا ہے