hangama-e-hayat ko koi to nam de
By ahmar-nadeemFebruary 5, 2024
hangama-e-hayat ko koi to nam de
ai zindagi mujhe tu munasib maqam de
jaldi na kar ki saqiya ye fe'l hai bura
baqi hai shab tamam saliqe se jam de
charcha meri shikast ka kuchh der tak to ho
main kab ye chahta tha baqa-e-dawam de
ye kya ki ek tal pe duniya hai mahw-e-raqs
is gardish-e-kuhan ko nae subh-o-sham de
'ahmar-nadim' zabt ke pahlu ko tham kar
kya tausan-e-hayat ko koi lagam de
ai zindagi mujhe tu munasib maqam de
jaldi na kar ki saqiya ye fe'l hai bura
baqi hai shab tamam saliqe se jam de
charcha meri shikast ka kuchh der tak to ho
main kab ye chahta tha baqa-e-dawam de
ye kya ki ek tal pe duniya hai mahw-e-raqs
is gardish-e-kuhan ko nae subh-o-sham de
'ahmar-nadim' zabt ke pahlu ko tham kar
kya tausan-e-hayat ko koi lagam de
89872 viewsghazal • English