hans ke bola karo bulaya karo
By abdul-hamid-adamJanuary 7, 2022
hans ke bola karo bulaya karo
aap ka ghar hai aaya jaya karo
muskurahat hai husn ka zewar
rup badhta hai muskuraya karo
had se badh kar hasin lagte ho
jhuti qasmen zarur khaya karo
hukm karna bhi ek sakhawat hai
hum ko khidmat koi bataya karo
baat karna bhi baadshahat hai
baat karna na bhul jaya karo
taki duniya ki dilkashi na ghate
nit-nae pairahan mein aaya karo
hum hasad se 'adam' nahin kahte
us gali mein bahut na jaya karo
aap ka ghar hai aaya jaya karo
muskurahat hai husn ka zewar
rup badhta hai muskuraya karo
had se badh kar hasin lagte ho
jhuti qasmen zarur khaya karo
hukm karna bhi ek sakhawat hai
hum ko khidmat koi bataya karo
baat karna bhi baadshahat hai
baat karna na bhul jaya karo
taki duniya ki dilkashi na ghate
nit-nae pairahan mein aaya karo
hum hasad se 'adam' nahin kahte
us gali mein bahut na jaya karo
53877 viewsghazal • English