har aadmi khulus-o-wafa ki misal hai
ab kaun bewafa hai samajhna muhaal hai

khush-fahm panchhiyon ko kahan ye khayal hai
is khushnuma uruj ka aakhir zawal hai

maghrur aaftab ka anjam soch kar
gham se hasin chand ka chehra nidhaal hai

phulon ka dard bantne wala koi nahin
kanton ke ehtijaj ka sab ko malal hai

wo koyalon ki kuk se kya hoga mutmain
jis dil ko justuju-e-nawa-e-bilal hai