har taraf jalwa-e-farozan hai sahn-e-hasti mein ek charaghan hai husn hi husn hai nigahon mein zarra zarra guhar-badaman hai phul to khil rahe hain gulshan mein apni qismat hai apna daman hai ai wafa-na-shanas waqt bata aaj phir kis se ahd-o-paiman hai zindagi se janam ka sath mera zindagi mujh se kyon gurezan hai aaj mausam hasin hai jaan-e-bahaar aaj chaliye ki baad-o-baran hai maujzan ek qulzum-e-khun hai dubi dubi si nabz-e-dauran hai sans lena nasib hai mujh ko zindagi pe bhi tera ehsan hai jis ko insaniyat se nafrat hai ahd-e-hazir ye tera insan hai jis ki takmil aaj tak na hui main hun aur mere dil ka arman hai 'faiz' ko puchhte raho yaro sunte hain ek ajib insan hai