hasti mein us ka jalwa ayan pa raha hun aaj dil ko tasawwuraat se bahla raha hun aaj mil jae koi bab khushi ka main is liye phir se kitab-e-zist ko dohra raha hun aaj ab apna zarf-e-mai-kashi dikhlane ke liye saqi ke hathon khub piye ja raha hun aaj mahfil mein khas un ki aqidat ke waste hathon pe apne dil ko liye ja raha hun aaj manzil pe main hun ya ki fareb-e-nazar hai ye har samt main hi khud ko nazar aa raha hun aaj un ke mariz-e-hijr ne ye kah ke jaan di kal aaenge wo dekhne main ja raha hun aaj 'ahmad' zamana did ka hai jis ki muntazir har-su main us ka jalwa ayan pa raha hun aaj