hath tu afsos se aise na mal ho jaegi

hath tu afsos se aise na mal ho jaegi
aaj qismat mehrban na ho to kal ho jaegi
tu wo qatra ban samundar aarzu jis ki kare
teri ye dilkash ada zarbul-masal ho jaegi


kar scooter kahan iman-dari mein huzur
ki bahut koshish to bas ek cycle ho jaegi
hadse bikhre hue hain har qadam par dhyan rakh
zindagi warna simat kar pal do pal ho jaegi


masala ho ek ka to to sochne ki baat hai
ek hai donon ki gar mushkil to hal ho jaegi
hum ne socha note kar len sher jab achchha hua
hum ko kya malum tha 'anjum' ghazal ho jaegi