ہوا کے جھونکے جو آئیں تو ان سے کچھ نہ کہو

ہوا کے جھونکے جو آئیں تو ان سے کچھ نہ کہو
جو آگ خود ہی لگائی ہے اس میں جلتے رہو
یہ دل کا درد تو ساتھی تمام عمر کا ہے
خوشی کا ایک بھی لمحہ ملے تو اس سے ملو


ہمیشہ سچ ہی نہیں بولتا ہے آئینہ
خود اپنے آپ سے ہر لحظہ عمر مت پوچھو
یہاں تو کچھ بھی نہیں جز نام خلائے بے پایاں
ہماری آنکھوں کی گہرائیوں میں مت جھانکو


کھلا ہے اور نہ کھلے گا کسی کا دروازہ
تو آؤ کوچۂ جاناں کو شب بخیر کہو