hiras phail gaya hai zamin-danon mein
qayamaten nazar aati hain aasmanon mein

na jaane kis ki nazar lag gai in aankhon par
jo khwab dekhti thin khauf ke zamanon mein

yahan khayal ke soton se khun phutega
sarab ke liye jangen hain sarbanon mein

ye kaun hain ki khuda ki lagam thame hue
pade hue hain qanaat ke shamiyanon mein

main apne shahr se mayus ho ke laut aaya
purane sog base the nae makanon mein