اگر تمہارے نام کی نہیں رہی

اگر تمہارے نام کی نہیں رہی
تو پھر یہ عمر کام کی نہیں رہی
جو چھاج تھا اناج کا الٹ گیا
غذا بھی گھر میں شام کی نہیں رہی


ہمیں وہ مرتبے عطا کیے گئے
ہمیں کسی مقام کی نہیں رہی
بدل دئے ہیں نام اور مقام سب
یہ داستاں تو کام کی نہیں رہی


کنیز آ گئی پسند شام کو
کنیز اب غلام کی نہیں رہی
فنا کو اب فنا میں ہی قرار ہے
فنا کو اب دوام کی نہیں رہی


مرے سمیت گھر سے پھینک دی گئی
ہر ایک شے جو کام کی نہیں رہی
بھرا ہے پیٹ اس بدن کو بیچ کر
کمائی اب حرام کی نہیں رہی