ہم ہیں انسان اس لیے لازم ہے کہ مسلسل کام کریں

ہم ہیں انسان اس لیے لازم ہے کہ مسلسل کام کریں
کوئی خدا تو نہیں ہیں ہم جو ساتویں دن آرام کریں
ہم تو ہیں بندے جان و بدن سے آپ کے حسن کے تابع دار
آپ ہیں آقا ہم جیسے چاہے جتنوں کو غلام کریں


ہم کو تو عادت ہے راتوں میں جاگنے رونے گانے کی
ہم کو ہمارے حال پہ چھوڑیں نیند نہ اپنی حرام کریں
آپ کی آنکھوں سے لفظوں کا رزق اترتا ہے ہم پر
آپ جو چاہیں سوکھا رکھیں یا بارش الہام کریں