hum jab ta’assubaat ki rau mein nikal gae

hum jab ta’assubaat ki rau mein nikal gae
kitne nae makan mahalle ke jal gae
ghar se nikal ke dekhen khule aasman mein
tabdil hum hue hain ki mausam badal gae


ye bahs hi fuzul ki khote the ya khare
sikke the chalna un ka muqaddar tha chal gae
raste pe ek za'if ke chehre ko dekh kar
kya kya khayal zehn ke goshon mein pal gae


pahchanne mein aata nahin hai ab apna shahr
do-chaar sal mein sabhi naqshe badal gae