hum nae hain na hai ye kahani nai

hum nae hain na hai ye kahani nai
sath sharton ke hai zindagani nai
kya ganwa kar mili bahs ye hai fuzul
aakhirash mil gai kaamrani nai


bad-mizaji pe mausam ki hairan hun
kyun hai dariyaon mein ye rawani nai
chashm-poshi masail ki hai is tarah
us ne baaton se ki gul-fishani nai


gamzan dil safar par to sakit qadam
chhed di phir unhon ne kahani nai
us ki khushbu mein shamil hai teri mahak
aaj lai khabar raat-rani nai


kis ki chahat ki tasir hai
waqt ne
us ke paikar mein rakh di jawani nai
thi lachak jab talak zist apni rahi


ras aai na ye sakht-jaani nai
khamushi se hi un ki chaman jal gaya
hukmaranon ki hai pasbani nai
phutne ko thi ummid ki ek kiran


ho gai phir un ki mehrbani nai
badhte qadmon ko phir se thithakna pada
aai phir darmiyan bad-gumani nai
wadi-e-gul se mausam ka sautela-pan


us ke dariya mein kyun hai rawani nai
quwwaten sari goyai par hain muhit
hain zabanen wahi lan-tarani nai
sath lai nae gham nai uljhanen


ab nahin chahiye shadmani nai
taliyan har taraf thin ki jab us ne ki
be-zabani se hi lan-tarani nai
jis ko agle bhi pal ka bharosa nahin


us ko bhi chahiye shadmani nai
aisa lagta hai 'khalid'-miyan chahiye
is zamin ke liye jaan-fishani nai