hum tashaddud ke istiare nahin

hum tashaddud ke isti'are nahin
kya koi sanp ko bhi mare nahin
minnaten ki to thin yazidon se
main nadi hun mere kinare nahin


hath mein hath de to aaun main
dubna hai to phir pukare nahin
us se khud fasle badhae hain
haar jiti hai hum ne haare nahin


tum bane ho badi mohabbat se
rang ne khud hi rup dhaare nahin
ab ye sailab roko qattalo
ye mere aansuon ke dhaare nahin


kashtiyan main jala chuka hun magar
us ko samjhao yun pukare nahin
ye hi sabit karo ki so jaen
ho kisi aur ke hamare nahin