hum ne jis ke liye phulon ke jahan chhode hain
us ne is dil mein faqat zakhm-e-nihan chhode hain

hum ne khud apne usulon ki hifazat ke liye
daulaten chhod din shohrat ki jahan chhode hain

zindagi hum ne tera sath nibhane ke liye
tapte sahra mein bhi qadmon ke nishan chhode hain

hum kisi aur ke ho jaen kisi ko chahen
aise asbab magar us ne kahan chhode hain

jis ki parchhai liye phirti hain aankhen meri
us ne palkon pe meri aab-e-rawan chhode hain