humne khiDki mein jaan biTha li hai

hum ne khidki mein jaan bitha li hai
us ki aawaz aane wali hai
hum ko tala nazar nahin aata
us ke dar par nazar jama li hai


ab kisi bazm mein na bolenge
us gali mein sada laga li hai
rakh diye hain charagh khidki mein
aur ghar mein hawa chala li hai


hum to sayyaad hain hamare liye
tu hi gulshan hai tu hi mali hai
mujh se tuti hui chhaton ne kaha
yar barsat aane wali hai


us ke kuche mein nach aae hain
sare din ki thakan mita li hai
pinjre bante hain shahr mein mere
is liye aasman khali hai


khak mein bhi milaenge filhaal
zindagi 'ishq mein mila li hai